Prøveprosjekt med kondisjonstrening: "Kondisøkta"

Gaular IL Løpskarusell/Langrennsgruppa prøver våren 2025 ut kondisjonstrening løp for ungdom og vaksne.

Kven kan delta?

• Frå og med 7 klasse. Yngre kan delta, men då ønsker vi i følge med ein vaksen. Vaksne må gjerne delta! Målet er å få til eit fellesskap for dei som har lyst til å trene kondisjon med å springe/jogge. Øktene vil i hovudsak bli tilpassa ungdom.

Kva vil øktene innehalde:

• Oppvarming med jogg - relativt kort distanse (rundt 2 km).
• Oppvarming med løpsdrill - til dømes høge kneløft, spark i baken og andre øvingar som hjelper på løpesteget, oppvarming, koordinasjon og styrke/rørsle i anklar, kne og hofte
• Oppvarming med stigningsløp (gradvis aukande fart, 60-100 meter)
• Intervalltrening. Vi vil variere på type intervalltrening, men døme kan vere 200 m x 6-8 repetisjonar (30 sekund pause mellom kvar) og 2 seriar. Eit anna døme kan vere 45 sekunds innsats - 15 sekunds pause x 3-5 repetisjonar og 4-5 seriar.
• Kort styrkedel, med øvingar med eiga kroppsvekt. Vi vil variere på øvingane.
• Felles avslutning av økt

Stad:

• Vi ser litt på om vi varierer på oppmøtestad, men dei to første øktene før påske vil gå med oppmøte på Sande stadion

Når:

• Fredag 4. april kl. 17.30, Sande stadion
• Tysdag 8. april kl. 18.00, Sande stadion
• Tysdag 22. april - Løpskarusell Langeland

Kvar finn du informasjon:

• Legg deg eller ungdommen til i denne gruppa i Hoopit

Ansvarlege/trenarar:

• Bodil Ryste, André Haugsbø, Karsten Karlsen Sunde