Vi ønsker velkommen til to løp denne hausten:

Laurdag 27. september: Gaular 3000

Løpet går på veg rundt Sande, det vil seie med start ved Spar-butikken, retning stadion og Døskeland Marine. Der tar vi opp på gangvegen over brua, og følger så veg tilbake forbi kirka og målgang på busshaldeplassen. Runda er kontrollmålt til 3km.&nbsp;

Start kl. 15.30 og ope for alle 11 år og eldre.&nbsp;

I tillegg vil vi gjennomføre eit barneløp på Øyra eller forhåpentlegvis aktivitet på ny løpebane på stadion med ymse friidrettsøvingar. Dette vil vere i forkant av Gaular 3000.&nbsp;

<a href="https://signup.eqtiming.com/?Event=Gaular_lopskarusell_-_Sande_i_Sunnfjord">Påmelding her!</a>

<a href="https://signup.eqtiming.com/?Event=Gaular_lopskarusell_-_Sande_i_Sunnfjord"></a>Laurdag 18. oktober: Stordalen Opp

Tradisjon tru gjennomfører vi det korte motbakkeløpet vårt opp Stordalsvegen. Løpet startar ved grinda og har målgang ved busskuret på høgda der det flatar ut. Løypa er knappe 2 km og har rundt 200 høgdemeter stigning. Løp med tidtaking er ope frå 11 år.&nbsp;

På dette løpet har vi såkalla intervallstart, det vil seie at ein startar ein og ein, med 30 sekunds mellomrom.&nbsp;

Start kl. 15.00 med tidtaking. Vi håpar å stille med "kiosk" på toppen, så du kan også bli med å gå utan tidtaking. Kjøp deg ein bolle eller kaffi på toppen. Inntekta går til aktivitet i idrettslaget! Det blir uansett saft/vatn til alle ved målgang.&nbsp;

<a href="https://signup.eqtiming.com/?Event=Gaular_lopskarusell_-_Sande_i_Sunnfjord">&nbsp;Påmelding her!</a>

Haustprogrammet til Gaular IL Løpskarusell

Torsdag 27.mars kl 19.00 vert det halde årsmøte på Elvehagen på Sande for Gaular IL. 

Påmelding på Facebook-event, i høve planlegging av mat m.m.: <a href="https://fb.me/e/2r78YfMgP">https://fb.me/e/2r78YfMgP</a>

Ta kontakt om det er allergiar vi skal ta omsyn til:)

Årsmøte GIL 2025

Gå inn på Spleisen nedanfor om du ønskjer å bestille VM-huer/-panneband og dermed støtter Gaular IL - eller du kan gi gåve:)

Trykk her for å bestille: <a href="https://www.spleis.no/project/410462">https://www.spleis.no/project/410462</a>

VM-hue/-panneband

Søndag 15.desember kl. 20.00 vert det halde ekstraordinært årsmøte for GIL, i kantina i Gaularhallen. Saklista og informasjon om sakene er lagt ved.

Ekstraordinært årsmøte – Gaular IL

Tid: 15.12.24 kl.20.00

Stad: Kantina, Gaularhallen

1. Opning og konstituering

· Val av møteleiar, sekretær og to til å skrive under møteboka

· Godkjenning av innkalling og sakliste

Styret si tilråding: inga tilråding

2. Låneopptak med pant i eigedom I samband med prosjektet på Sande stadion er det behov for å ta opp eit lån for å mellomfinansiere deler av prosjektet, i påvente av utbetaling av spelemidlar, momskompensasjon og gåvemidlar. Dette har årsmøtet godkjent tidlegare, men banken krev pant i eigedom for eit slikt låneopptak, og at dette er godkjent av årsmøtet. Vi ber derfor om moglegheit på låneopptak på inntil 4 mill. kr i SpareBank 1 Sogn og Fjordane med pant i gnr. 161 bnr. 109 i Sunnfjord kommune, heimelshavar Gaular Idrettslag. Styret si tilråding til vedtak: Årsmøtet gjev styret fullmakt til låneopptak på inntil kr 4 mill. i SpareBank 1 Sogn og Fjordane og til å pantsette eigedommen som sikkerheit for lånet.

3. Organisasjonsplan – oppretting av sykkelgruppe Sande Nærmiljøråd, idrettslaget, grunneigarar og initiativtakarar har sett på moglegheita for å lage sykkelstiar i Årbergsdalen, parallelt med alpinbakken og med sambruk av deler av anlegget. Alle partar er positive. Styret si tilråding til vedtak: Gaular IL opprettar ei sykkelgruppe og melder seg inn i særforbundet. Styret for fullmakt til å godkjenne eit styre til denne gruppa, samt eit budsjett i balanse.

Det er ikkje høve til å melde inn saker i møtet, i hht til NIF sine retningslinjer.

Ekstraordinært årsmøte

Søndag 8 desember er det turnering for dei minste. (6-8år) Mykje liv i hallen denne dagen :) Bilde hentet frå handball.no

<a href="https://www.handball.no/system/banedagbok/?venueUnitId=28424">https://www.handball.no/system/banedagbok/?venueUnitId=28424</a> Legge ved lenke for å sjå kampoppsett

Intersport 4`er handball turnering 

Denne veka, 4.-9.november, er det klubbveke med ekstra klubbtilbod på Sport1. Alle som handlar klubbkle er med i trekninga av gåvekort sponsa av Sparebank 1 Sogn og Fjordane.

Klubbveke Sport1

Gjennom Grasrotandelen og Norsk Tipping, kan alle registrere seg opp mot eit lag eller ein organisasjon, og på den måten donere 7% av innsatsen*, utan at det går ut over din innsats, premie eller vinnarsjansar! 

GIL registrerte seg i 2009 og har hittil mottatt nesten 1,8 mill.kr. i grasrotstøtte, som har vore med og finansiert aktivitet og anleggsutvikling i lokalsamfunnet. Det utgjer eit gjennomsnitt på ca 113.000 kr/år, men vi ser ein nedgang dei siste åra, og vi trur det i stor grad handlar om mangel på informasjon frå vår side. Derfor køyrer vi ein kampanje no, for å få fleire til å registrere seg! Alle som tippar bør støtte eit lag/ein org for å sikre midlar til lokalsamfunnet! Vil du støtte oss, vil midlane gå til vidareutvikling av anlegg og aktivitet, m.a. prosjektet på Sande stadion.

Greier vi å slå rekorden frå 2015 på 195 støttespelarar? Vi har per i dag 153. På nettsida vår kan du følgje med på tal støttespelarar og kor mykje vi har fått og får årleg; <a href="https://gaular-il.no/">https://gaular-il.no/</a>

Korleis registrere deg? Opne kamera på mobilen og hold det mot QR-koden nedanfor, og følg instruksane vidare for å registrere deg. Ta kontakt om de treng hjelp!

TAKK TIL ALLE SOM HAR REGISTRERT / REGISTRERER SEG !

*Nokre spel er det 14% av innsats etter fråtrekk av gevinstar.

GRASROTANDEL - STØTT LOKALSAMFUNNET UTAN AT DET KOSTAR DEG NOKO!

Her ser du aktivitetsoversikta, der du kan sjå kva idrettar/aktivitetar som er mogleg å delta på, korleis du melder på og kven som er kontaktperson. 

<a href="https://gaular-il.spoortz.no/kx/1164/files/Invitasjon%20til%20aktivitetar%20i%20GIL%20haust%20og%20vinter%202024-2025.pdf">Oversikta ligg i pdf her!</a>

Oversikt aktivitetar Gaular IL haust 2024 og vinter 2025

Frå og med 4.april vert det sprengingsarbeid på Sande stadion. Arbeidet vil hovudsakleg pågå mellom kl 07 og 16, og anlegget vil vere stengt for aktivitet i dette tidsrommet.

Det vil i alle fall vere sprening følgjande datoar:

Sprenging på Sande stadion

Onsdag 13.mars kl 19.00 blir det halde årsmøte for Gaular IL i kantina i Gaularhallen. Saker ligg vedlagt.

Årsmøtesaker&nbsp;&nbsp;

<a href="/kx/1164/files/Årsmøte%20i%20Gaular%20idrettslag%20202%204-%20sakliste%20med%20tilrådingar%20–%20Kopi.docx">Sakliste med tilrådingar</a>

Andre saksdokument er lagt ved under kvar sak nedanfor:

Sak 01/24&nbsp;Opning og konstituering&nbsp;

Sak 02/24&nbsp;&nbsp;<a href="/kx/1164/files/Årsmelding%202023%20-%20hovudstyret%20og%20gruppestyra%20-%20for%20publisering%20på%20nett.pdf">Årsmelding for 2023&nbsp;</a> Full versjon av årsmeldinga vert delt ut på årsmøtet.*

Sak 03/24&nbsp;&nbsp;<a href="/kx/1164/files/12-Årsrekneskapen%20år%202023%20%281%29.pdf">Rekneskap for 2023</a> ( <a href="/kx/1164/files/12-Økonomi%202023.docx">Økonomimelding </a>)

Sak 04/24&nbsp;&nbsp;Medlemskontingent 2025&nbsp;

Sak 05/24&nbsp;&nbsp;<a href="/kx/1164/files/Organisasjonsplan%202024.docx">Organisasjonsplan</a>&nbsp;

Sak 06/24&nbsp;&nbsp;Prosjektstilling&nbsp;

Sak 07/24&nbsp;&nbsp;<a href="/kx/1164/files/Budsjett%202024.xls">Budsjett 2024</a>

Sak 08/24&nbsp;&nbsp;Sportsplan&nbsp; Sak 9/24&nbsp;&nbsp;Val&nbsp;

Sak 10/24&nbsp;&nbsp;Eventuelt (saker må fremmast i sak 1/24)&nbsp;

* Av omsyn til personvern m.m. har vi ikkje publisert årsmeldingane for kvart lag på nett, då desse inneheld lagbilete, namn og andre personopplysningar. Dei vil vere tilgjengeleg i papirformat på årsmøtet og de kan ta kontakt om de ønskjer tilgang til papirutgåva.

Årsmøte 2024

Hallen i Bygstad blir open 27. og 30 desemeber kl 12-15.

Det er ikkje booking desse dagane, berre å komme. Fri bruk av kunstgrasbana og løpebana. Barn t.o.m. 4.klasse må ha følgje av vaksen. Viktig at både barn og vaksne kjenner til reglane (sjå nedanfor)

Onsdag 27/12 er også buldreveggen open kl 13-15. Barn opp t.o.m. 12 år (7.kl) må ha følgje av vaksen.

Laurdag 30/12 er det foreløpig berre kunstgrasbana og løpebana som er opa. Om fleire melder seg som vakt, kan vi også halde ope turnbassenget, samt både buldrevegg og turnbasseng (gjeld begge dagane)

Velkommen til vår nye, flotte møteplass og aktivitetspark!

Open hall i jula (Bygstadhallen)

Vintersesongen 23/24 er (snart) klar! Sjå vedlagt oversikt for meir informasjon.

Oversikt over aktivitetar, kontaktpersonar, tidspunkt, prisar m.m. finn de i vedlegget. Nokre aktivitetar startar veke 38, medan andre startar framover mot haustferien eller rett etter haustferien. Sommar- og vintersesong overlappar litt, så vi prøver å finne gode løysingar i denne perioden. Ta kontakt om de har spørsmål! Sjå vedlegg for info.

Aktivitetsplan for komande sesong

Vi opnar for bruk frå onsdag 20/9. Torsdag 21/9 er hallen (kunstgrasbana) open for alle kl 19.00-20.00 (er utleigd før det). 

I dag, onsdag 20/9 er kunstgrasbana og løpebana open for alle som ønskjer - gratis - kl 17.30-20.00! Barn opp til og med 4.klasse må vere i følgje med vaksen. 

Vidare framover vil hallen kunne bookast gjennom kommunen si nettside (sjå nedst) og det vil vere ope for uorganisert bruk på kunstgrasbana og løpebana i opningstidene når/dersom det er ledige. Buldrevegg, turngrop og lengdegrop vil berre vere tilgjengeleg ved organiserte treningar og booking med ansvarlege vaksne. 

De kan følgje med på opningstider/booking på kommunen si side og her på GIL si nettside. Her vil de òg etterkvart finne meir info om opningstider, reglar for bruk, oppdateringar m.m. Vi oppsummerer dei viktigaste reglane her:

- Alle må vise hensyn og følgje reglar (heng i hallen og vil bli lagt ut her) og instruksar frå vakta

- Bytt sko når de kjem til hallen, slik at det ikkje blir dratt inn skit og søle i hallen

- Det er ikkje tillat med mat og drikke i hallen - berre vassflaske

- All bruk av snus, røyk, alkohol og andre rusmidlar er forbode!

- Buldrevegg, turngrop og lengdehopp er berre ope for bruk ved organiserte treningar eller ved booking med ansvarleg vaksen


Når lag i klubben har trening i hallen, vil det stå i kalenderen i Hoopit at dei har trening der, men dette er ikkje ein fullstendig oversikt, den ligg berre på kommunen si side. Meir informasjon om anlegget (reglar, bruk m.m.) vil bli lagt ut etterkvart her.  

Booking/opningstider finn de her - men Bygstad idrett og fritidspark er ikkje tilgjengeleg før veke 39: 
<a href="https://site1.aktiv-kommune.no/sunnfjord/bookingfrontend/?click_history=a10475d689b380ee8d33509f3bae5413">site1.aktiv-kommune.no/sunnfjord/bookingfrontend/?click_history=a10475d689b380ee8d33509f3bae5413</a>

Sjå innlegg i Hoopit (medlemsappen) om du ønskjer å melde deg som vakt eller ta kontakt på tlf 99725160.

Bygstad idrett og fritidspark er opna

I samband med opninga av ny idrettshall i Bygstad inviterer vi til stafett. Program for dagen er oppdatert per 28.8. 

Vi ynskjer flest mogleg med på stafetten, og de kan stille som idrettslag, nabolag, klasselag, vennelag eller liknande . Sjå under for kriterium for laget. Vi håpar vi kan få til ein skikkeleg kjekk stafett og med mykje folk på start og som heiagjeng.

Vi har sett nokre reglar for laget:

Start og mål vil vere ved den nye hallen i Bygstad og løypekart er vedlagt. Korte etappar, frå ca 200 m til ca 700 m. Litt variert terreng/underlag, både asfalt, skogsveg, gras og grus. Nokre flate etappar, nokre kupert/nedover og oppover.

<a href="https://gaular-il.spoortz.no/kx/resources/files/8938BgXGY41F.png"></a><a href="https://gaular-il.spoortz.no/kx/resources/files/GdKO0HsW0Rfo.png">Løypekart (trykk på lenka)</a>

<a href="https://live.eqtiming.com/68110?fbclid=IwAR1opyjNXZroLowZ9CmNlQ6Cf7NyQ0uhBROECn-Q67WG2I9DYMw9D7aGeCw#dashboard">Påmelding av laget/laga gjer du her (trykk på lenka)</a>

Program for dagen blir løpande oppdatert her: <a href="https://sunnfjord.kommune.no/aktuelt-fra-kommunen/opningsfest-for-bygstad-idretts-og-fritidspark.29144.aspx">Opningsfest for Bygstad idretts- og fritidspark - Sunnfjord kommune</a>

Hovudrammene:

Kl. 12.45 Oppmøte Kl. 13.00 - 13.45 Opning av hallen Kl. 13.45 - 14.45 Open hall med blant anna 60 meter, lengde, buldring, fotball, hinderløype og fartsmåling Kl. 15.15 Start Bygstadstafetten (utanfor hallen)

Premieutdeling etter målgang. Flott diplom til 3 beste lag og uttrekkspremie blant alle deltakarar på stafetten.

<a href="https://docs.google.com/document/d/1Xp_JTo3piPNHNSlbJvXT2cQuwh43UbWP1sbsEltboZU/edit?usp=sharing">Dugnadsliste Stafett og 60-lengde</a>

Kontakt: Gaular IL Løpskarusell

Per Jarle Smaamo, Bodil Ryste og Karsten Karlsen Sunde

Bli med på Bygstadstafett og open hall i Bygstad 2. september

Det er viktig at ein ikkje deler bilete eller film av andre utan samtykke - det er rett og slett ulovleg! For barn under 15 år skal også føresette samtykke, men om barna likevel ikkje ønskjer at bilete/film av dei skal publiserast, overstyrer dette føreldra si godkjenning. Les meir om NIF sine retningslinjer her:

Idrettsforbundets retningslinjer:

For meir info/kjelde: <a href="https://www.idrettsforbundet.no/tema/retningslinjer/retningslinjer-for-publisering-av-bilder-og-film-av-barn/">https://www.idrettsforbundet.no/tema/retningslinje...</a>

Publisering av bilete og film

Måndag 13. mars kl 19.00 blir det årsmøte for GIL på Tønna. Sakliste og meir informasjon finn du her:

Fristen for å melde inn saker var 27.februar, og saklista er lagt ved. Dersom du likevel har noko du vil ta opp, er det mogleg å fremme saker i sak 1/23 under årsmøte, og få den/dei behandla om årsmøtet godkjenner det.

Årsmelding, budsjett, rekneskap og organisasjonsplan er lagt ved som vedlegg, i tillegg til saklista med og utan tilrådingar/saksopplysningar.

Årsmøte - saker

Måndag 13.mars kl 19.00 vert det årsmøte for Gaular IL på Tønna i Bygstad. 

Saker må meldast inn til styret innan 27.februar, til post@gaular-il.no . 

Sakliste og meir informasjon vil bli publisert seinast 6.mars.

Dersom nokon ønskjer å gi innspel til valnemnda, kan de kontakt Sondre Venås på sondrevenaas@gmail.com .

Ønskjer velkommen både medlemmer og andre interesserte på årsmøtet!  Det blir servert mat på møtet, så fint om de melder dykk på i eventen på facebook, eller tar kontakt på epost slik at vi har ein viss oversikt. 

<a href="https://www.facebook.com/events/709131224040481">https://www.facebook.com/events/709131224040481</a>

Årsmøte i GIL 2023

Her er datoane med lenke til påmelding og resultat for årets løpskarusell for små og store. 

Gaular IL Løpskarusell 2023

Vi følgjer Helsedirektoratet og NIF sine anbefalingar, og har samanfatta dei viktigaste reglane/anbefalinane i vårt eige dokument, samt fordelt ansvarsoppgåver (sjå nedanfor; les meir).

Retningslinjene finn de her: <a href="https://www.gaular-il.no/files/130">Organisering av trening under korona - versjon 6 - gjeldande frå 27.04.21.docx</a>

Nyheter

Haustprogrammet til Gaular IL Løpskarusell

Årsmøte GIL 2025

VM-hue/-panneband

Ekstraordinært årsmøte

Intersport 4`er handball turnering

Haustprogrammet til Gaular IL Løpskarusell

Årsmøte GIL 2025

VM-hue/-panneband

Ekstraordinært årsmøte

Intersport 4`er handball turnering